CHRISTINA

I.

CHRISTINA

Sueciae Regina, filia Gustavi Adolphi, A. C. 1626. nata. Patri mortuo successit, sed A. C. 1654. regnô cessit; nomine communioni Romanae datô, Alexandra dicta, ab Alexandro VII. Literas et Literatos amâsse dicitur.

II.

CHRISTINA

filia Chriftierni II. Daniae Regis nupt, primo Francisco Sfortiae Duci Mediolanensi, dein Francisco Duci Lotharingiae; mortuo marito Ducatus administeratione mota est a Galliae Rege, filiô in Galliam missô; Unde in Belgium concessit, pacis Cameracensis mediatrix. A. C. 1558.

III.

CHRISTINA

oppid. novum Americae Septentrionalis a Suecis recens exstructum, ill honorem Christinae Reginae in Nova Suecia; ad ostia fluvii Austrini cum portu sat capaci. Postea Seucis ereptum est a Batavis, hisque iterum ab Anglis, quibus etiamnum cum toto tractu paret.

IV.

CHRISTINA

virgo Italica, a patre Ethnico primum carceri inclusa, postea tortorbus tradita est, qui eam nefandis cruciatibus vexârunt, cumque nec igne cremari, nec in aqua suffocari posset, tandem iaculis confossa est, regnante Iulianô.